Atendo é un centro residencial de innovación e aloxamento con coidados que inicia en Galicia a re-evolución de novas modalidades de aloxamento sénior que están a chegar ao sector en España. Un centro con todas as atencións profesionais necesarias e onde as persoas terán o control pleno, a pesar mesmo das súas posibles limitacións.
Atendo ofrece un cambio significativo na atención ás persoas maiores para que permanezan nos seus domicilios o maior tempo posible, ofrecendo coidados especializados e respectando a autonomía persoal. É un feito que actualmente son necesarios os centros de día e residenciais para aquelas persoas que queren unha atención máis aló da domiciliaria. Por iso desde Atendo implantouse a Atención Centrada na Persoa (ACP) con equipos formados para ofrecer a mellor atención ás persoas que conviven connosco.
O modelo de ACP é transversal. Para todos os colaboradores de Atendo, a ACP é unha aposta pola procura constante da mellora do servizo de atención ás persoas maiores. Mediante esta metodoloxía ofrecemos unha atención humana e próxima.
Este compromiso trouxo consigo a creación do Modelo Atendo. Este modelo é unha declaración de intencións para poñer o foco de atención nas persoas usuarias, especialmente nas persoas en situación de dependencia, para respectar sempre os seus intereses.